मुंबई- छोट्या पडद्यावरील लोकप्रिय कार्यक्रम 'बिग बॉस १४' मध्ये सहभागी झालेले कलाकार आणि सध्या एकमेकांच्या प्रेमात आहेत. ते अनेकदा एकत्र दिसतात. 'बिग बॉस' च्या घरात ते एकमेकांच्या जवळ आले होते. घराबाहेर आल्यावरही त्यांनी त्यांचं नातं तसंच सुरू ठेवलं. नुकताच एजाजने पवित्राचा वाढदिवस साजरा केला आहे. त्यांनी सगळ्यांसमोर त्यांचं प्रेम मान्य केलं आहे. वाढदिवसाला एजाजने पवित्राला एक खास भेटही दिली. नुकत्याच दिलेल्या एका मुलाखतीत पवित्राने एजाजसोबतच्या नात्यावर तिच्या आई- वडिलांच्या मतांबद्दल सांगितलं आहे. पवित्राने एजाजसोबत असलेल्या नात्याबद्दल घरी सांगितल्यावर त्यावर तिच्या आई- वडिलांच्या काय प्रतिक्रिया होत्या याचा खुलासा तिने एका वृत्तवाहिनीला दिलेल्या मुलाखतीत केला आहे. पवित्राने म्हटल्याप्रमाणे, तिच्या आणि एजाजच्या नात्यावर तिची आई थोडी चिंतेत आहे. पवित्राच्या आईने त्यांच्या नात्याला नकार दिलेला नाही परंतु, तिने त्यांना काळजी घेण्यासाठी सांगितलं आहे. आईबद्दल सांगताना पवित्रा म्हणाली, 'माझी आई याबद्दल थोडी चिंतेत आहे कारण एजाजची संस्कृती वेगळी आहे त्यांच्या प्रथा वेगळ्या आहेत. त्यामुळे माझी आई म्हणते तुम्ही एकमेकांसोबत राहा आणि एकमेकांना समजून घ्या. एकमेकांना वेळ द्या त्यामुळे पुढे जाऊन काही अडचण येणार नाही.' त्यासोबतच वडिलांची प्रतिक्रिया सांगताना पवित्राने म्हटलं, 'माझे वडील याबाबतीत काहीही बोलले नाहीत उलट त्यांनी आमच्या नात्याला पाठिंबा दिला. एजाजच्या वेगळ्या धर्माचा त्यांच्यावर काहीही फरक पडला नाही. उलट त्यांनी आमच्या लिव्ह इनमध्ये राहण्याला पाठिंबा दिला. त्यांच्यामते एवढं मोठं पाउल उचलताना एकमेकांना समजून घेणं सगळ्यात जास्त महत्वाचं असतं.' पावित्र्याच्या म्हणण्यानुसार, एजाजदेखील असाच विचार करतो. त्याच्यामते, ते दोघे वेगळ्या धर्माचे असल्यामुळे त्यांनी आधी एकमेकांना समजून घेणं खूप महत्वाचं आहे.
from Marathi Bollywood News, Marathi Cinema News https://ift.tt/2QUD5u0
