मुंबई- बॉलिवूडमध्ये अनेक जोड्या बनतात. त्यातील काही चिरकाळ टिकतात तर काही तुटतात. बॉलिवूडमध्ये अशा फार कमी जोड्या आहेत ज्यांचं नातं फार काळ टिकलं आहे. ज्येष्ठ अभिनेत्री आणि यांचं नातं फार काळ टिकू शकलं नाही. लग्नाच्या फक्त एका वर्षातच त्यांनी एकमेकांपासून वेगळं होण्याचा निर्णय घेतला. राखी आणि गुलजार यांनी १५ मे १९७३ रोजी लग्न केलं केलं होतं. डिसेंबर १९७३ मध्ये त्यांना एक मुलगी झाली. त्यानंतर मात्र त्यांच्या आयुष्यात वादळ आलं आणि त्या वादळात राखी यांचं आयुष्य उध्वस्त झालं. सूत्रांच्या माहितीनुसार, मुलीच्या जन्मानंतर गुलजार राखी यांच्याकडे एकच हट्ट करू करू लागले. गुलजार यांना वाटत होतं की, राखी यांनी लग्नानंतर चित्रपटात काम करू नये. त्यांनी त्यांचं करिअर सोडून फक्त संसारावर लक्ष केंद्रित करावं. पण राखी यांना ते मान्य नव्हतं. राखी त्यांना समजवायचा प्रयत्न करू लागल्या पण त्याचा काही फायदा झाला नाही. गुलजार यांना समजावण्याच्या प्रयत्नात अनेक हिट चित्रपटांच्या ऑफर राखी यांच्या हातून निघून गेल्या. तरीही गुलजार यांच्या अटीत काहीही बदल झाला नाही. यानंतर राखी यांनी गुलजार यांच्यासोबतचं नातं संपवण्याचा निर्णय घेतला. या निर्णयाचा त्रास त्यांना स्वतःला जास्त झाला. राखी यांनी दिलेल्या मुलाखतीत लग्नानंतरच्या आयुष्याबद्दल बोलताना सांगितलं, 'एकांतात जगणं हा माझा निर्णय होता. माझ्या कुटुंबात १९ लोक होते पण मी स्वतःला घरत आयसोलेट करून घ्यायची. मैत्रिणींसोबत पार्टी करणं मला वेळ वाया घालवणं वाटायचं. त्यावेळेस मी व्ही. शांताराम, सोहराब मोदी, महबूब खान आणि के.आसिफ यांचे चित्रपट पाहायची. मला मुंबईतील गर्दीच्या आयुष्याचा कंटाळा यायला लागला होता. त्यानंतर मी माझ्या पनवेलच्या फार्महाउसवर राहायला गेली.' ते दोघे आज भलेही एकमेकांपासून वेगळे राहत असतील तरीही त्यांच्यात मैत्रीचं नातं कायम आहे.
from Marathi Bollywood News, Marathi Cinema News https://ift.tt/2QUMhPm
