मुंबई: बॉलिवूडची प्रसिद्ध आयटम गर्ल म्हणून ओळखली जाणारी बिग बॉस १४ नंतर सोशल मीडियावर सातत्यानं चर्चेत आहे. राखी सोशल मीडियावर खूप सक्रिय असते. नुकताच तिनं तिच्या इन्स्टाग्रामवर एक व्हिडीओ शेअर केला आहे. ज्यात ती भाज्या विकत घेताना दिसत आहे. संपूर्ण देशात करोन व्हायरसमुळे अनेकांचा बळी जात असताना महाराष्ट्रातही लॉकडाऊनची घोषणा करण्यात आली आहे. अशात राखी सावंतचं अशाप्रकारे पीपीई किट घालून भाजी विकत घेणं सोशल मीडियावर चर्चेचा विषय ठरत आहे. राखी सावंतनं तिच्या इन्स्टाग्रामवर नुकताच एक व्हिडीओ शेअर केला आहे. ज्यात ती पीपीई किटमध्ये दिसत आहे. पीपीई किट घालूनही पोझ देणं राखी सावंत अजिबात विसरलेली नाही. मास्क काढून पीपीई किटमध्ये राखी फोटोग्राफर्सना पोझ देताना दिसत आहे. राखीचा हा व्हिडीओ सध्या सोशल मीडियावर खूप व्हायरल होताना दिसत आहे. या व्हिडीओमध्ये राखी भाज्यांचे दर विचारताना आणि भाज्या विकत घेताना दिसत आहे. यासोबतच ती भाज्या विकणाऱ्यां विक्रेत्यांनाही मास्क लावण्याची विनंती करताना दिसते. राखीनं हा व्हिडीओ शेअर करताना लिहिलं, 'सध्या करोना काळात घराच्या बाहेर पडताना कृपया मास्क आणि पीपीई किट घालूनच बाहेर पडा आणि स्वतःची काळजी घ्या.' राखीचा हा व्हिडीओ तिच्या चाहत्यांच्या खूपच पसंतीस पडला आहे. सर्वजण यावर कमेंट करत आहेत. भाजी विकत घेतानाचा राखीचा व्हिडीओ व्हायरल होण्याची ही पहिलीच वेळ नाही. मागच्या वेळी जेव्हा ती भाज्या विकत घ्यायला गेली होती तेव्हा तिचा भाजीवाल्याशी वाद झाला होता. महागड्या दरात भाज्या विकत असल्यानं राखी काहीच खरेदी न करता परतली होती. दरम्यान काही दिवसांपूर्वीच राखी सावंतचा एक व्हिडीओ सोशल मीडियावर खूप व्हायरल झाला होता. ज्यात तिनं आईच्या शस्त्रक्रियेसाठी मदत केल्याबद्दल सलमान खान आणि सोहेल खानचे आभार मानले होते. राखी सावंतच्या आईवर काही दिवसांपूर्वीच शस्त्रक्रिया करण्यात आली आहे. त्या मागच्या बऱ्याच काळापासून कॅन्सरशी लढा देत होत्या.
from Marathi Bollywood News, Marathi Cinema News https://ift.tt/3niXaGt
