मुंबई- छोट्या पडद्यावरील अभिनेत्री आतापर्यंत एका संस्कारी मुलीची आणि सुनेची व्यक्तिरेखा साकारत आली आहे. परंतु, आता तिने तिच्या चाहत्यांना एक खास सरप्राइज दिलं आहे. दिव्यांका कलर्स वाहिनीवरील अत्यंत गाजलेला कार्यक्रम '' मध्ये सहभागी होणार आहे. तिथे ती निरनिराळे स्टंट करताना दिसणार आहे. एका वेबसाइटला नुकत्याच दिलेल्या एका मुलाखतीत दिव्यांकाने तिची ही इच्छा बोलून दाखवली होती आणि त्यानंतर तिला या कार्यक्रमाचा भाग होण्यासाठी साइन केलं गेलं. टाइम्स ऑफ इंडियाने दिलेल्या एका वृत्तानुसार, दिव्यांकासोबत 'खतरों के खिलाडी ११' च्या निर्मात्यांची बरेच दिवस बोलणी सुरू होती. त्यानंतर दिव्यांकाने या कार्यक्रमात सहभागी होण्यासाठी होकार दिला. ती या कार्यक्रमात अवघड टास्क करताना दिसणार आहे. दिव्यांकाने स्वतः या गोष्टीचा खुलासा केला होता की तिला 'खतरों के खिलाडी' मध्ये सहभागी होण्याची अनेक दिवसांपासूनची इच्छा होती. परंतु, तिला असलेल्या स्लीप डिस्क आजारामुळे ती यात सहभागी होऊ शकत नव्हती. सोबतच दिव्यांकाला पोहता येत नसल्यामुळे तिची अडचण होत होती. परंतु, कार्यक्रमात सहभागी होण्यासाठी दिव्यांकाने तिच्या आजारावर मात केली आहे. शिवाय ती पोहायला देखील शिकली आहे. 'खतरों के खिलाडी ११' मध्ये दिव्यांकासोबत आणखीही काही कलाकारांनी सहभागी होण्यासाठी होकार दिला आहे. राहुल वैद्य, अभिनव शुक्ला, निक्की तांबोळी, अर्जुन बिजलानी, सौरभ राज जैन, उर्वशी ढोलकिया आणि गायिका आस्था गिल हे देखील या कार्यक्रमात सहभागी होणार आहेत. कार्यक्रमाचं चित्रीकरण मे महिन्यामध्ये दक्षिण आफ्रिकेतील केप टाउन येथे होणार आहे. परंतु, करोनामुळे चित्रीकरणाची तारीख आणि जागा बदलण्यात येण्याची देखील शक्यता आहे.
from Marathi Bollywood News, Marathi Cinema News https://ift.tt/3ndFcFk
