मुंबई- 'उरी: द सर्जिकल स्ट्राईक' चित्रपटातून प्रेक्षकांची मनं जिंकून घेणारा अभिनेता मागील एका आठवड्यापासून इस्पितळात भरती आहे. त्याला करोनाची लागण झाली आहे. अनेक दिवस आजारी असल्याने त्याने रिपोर्ट येण्यापूर्वीच तो इस्पितळात भरती झाला होता. मोहितची मागच्या आठवड्यात केलेली चाचणी पॉझिटिव्ह आल्यामुळे आता त्याच्यावर योग्य ते उपचार केले जात आहेत. मोहितने स्वतः सोशल मीडियावर यासंबंधी माहिती दिली. मोहितने इन्स्टाग्राम अकाउंटवर सलाइनचा फोटो पोस्ट करत चाहत्यांना ही माहिती दिली. त्यासोबत त्याने इस्पितळाच्या बाहेरचा एक फोटो पोस्ट करत लिहिलं, 'जेव्हा मी आत आणि बाहेर पाहतो तेव्हा मी सगळ्यांसाठी प्रार्थना करतो. माझे वडील नेहमी म्हणायचे की, प्रार्थनेमध्ये खूप शक्ती असते. ती एखाद्या जादूप्रमाणे काम करते. मी तुम्हाला सगळ्यांना विनंती करतो की तुम्ही सुखरूप राहा आणि माणुसकी म्हणून प्रार्थना करा. मागील आठवड्यात कोविड- १९ चाचणी पॉझिटिव्ह आल्यानंतर आता मी डॉक्टरांच्या सुरक्षित हातात आहे जिथे मी मागच्या एका महिन्यापासून आहे. त्यांच्यामुळे आपण ठीक आहोत. कमीत कमी आपण घरात राहू शकतो. लवकरच ठीक होऊन तुम्हाला भेटायला येतो.' त्याची ही पोस्ट पाहून अभिनेत्री दिया मिर्झाने देखील त्याला लवकरात लवकर बरं वाटावं यासाठी प्रार्थना केली आहे. दिया आणि मोहित यांनी 'काफिर' वेबसीरिजमध्ये एकत्र काम केलं होतं. सोबतच इतर कलाकारांनीही त्याच्या चांगल्या आरोग्यासाठी आयुष्यासाठी प्रार्थना केली आहे. एका चाहतीने त्याच्या आरोग्याची चौकशी करत लिहिलं, 'मी सेटवर सगळ्यांना विचारलं, पण सगळे हेच सांगत होते की मोहित ठीक आहेत. पण तुम्ही ठीक नव्हता.' मोहितच्या सगळ्याचं चाहत्यांनी त्याच्यासाठी प्रार्थना केली आहे.
from Marathi Bollywood News, Marathi Cinema News https://ift.tt/3veRwZ2
