मुंबई : करोनामुळे सध्या चित्रीकरणे बंद झाली आहेत. त्यामुळे मिळालेल्या मोकळ्या वेळेचा सदुपयोग करत अनेक कलाकार आपल्या कुटुंबियांसोबत वेळ घालवत आहेत. अभिनेत्री करिना कपूर देखील सध्या आपल्या मुलांसोबत वेळ घालवत आहे. करिनाने एक फोटो इन्स्टाग्रामवर शेअर केला असून त्यात सैफ आणि तैमूर शेतात काम करताना दिसत आहेत. करिनाने तिच्या इन्स्टाग्रामवर शेअर केलेल्या फोटोमध्ये तैमूर आणि सैफ शेतात काम करताना दिसत आहेत. जागतिक वसुंधरा दिनानिमित्त तिने दोन फोटो शेअर केले होते. पहिल्या फोटोमध्ये सैफ आणि तैमूर शेतामध्ये काम करताना दिसत आहेत. सैफच्या हातामध्ये फावडा असून तैमूरच्या हातामध्ये खुरपणी आहे. तर दुसऱ्या फोटोत तैमूर एका झाडावर बसलेला दिसत आहे. हे फोटो शेअर करताना करिनाने लिहिले की, 'भरपूर झाडे लावा. जागतिक वसुंधरा दिनाच्या निमित्ताने झाडे वाचवा, लावा आणि वाढवा.' करिनाने हे फोटो शेअर केल्यावर तिच्या चाहत्यांनी त्यावर भरभरून लाइक आणि कमेन्ट करायला सुरुवात केली आहे. दरम्यान, तैमूरच्या मालकीची १ हजार चौरस फुटांची बाग आहे. या बागेत १०० झाडे आहेत. या बागेच्या प्रवेशद्वारावर पतौडी फॉरेस्ट अशी पाटीही आहे. करिनाची न्युट्रिशनिस्ट ऋजुता दिवेकरने तैमूरच्या पहिल्या वाढदिवसाला त्याला ही बाग भेट दिली होती. या बागेत १०० वेगवेगळी झाडे आहेत. तीन जांभळाची झाडे, एक फणसाचे झाड, एक आवळ्याचे झाड, ४० केळीची झाडे, १४ शेवग्याची झाडे, १ कोकमचे झाड, १ पपईचे झाड, ५ सीताफळाची झाडे, २ रामफळाची झाडे, २ लिंबाची झाडे आहेत. फळांसोबत मिरची, आले, हळद आणि कडीपत्त्याची देखील झाड आहेत. फुलांमध्ये झेंडुच्या फुलांची छोटी बागही आहेत.
from Marathi Bollywood News, Marathi Cinema News https://ift.tt/3ncmCxz
