मुंबई- गेली अनेक वर्ष मालिका आणि चित्रपटात अभिनय करत प्रेक्षकांच्या मनावर राज्य करणारा अभिनेता सध्या सोशल मीडियावर चर्चेत आहे. अभिजीतने काही फोटो चाहत्यांसोबत शेअर केले आहेत. त्या फोटोंमुळे तो चाहत्यांमध्ये चर्चेत आहे. अभिजीत नेहमीच त्याचे निरनिराळे फोटो चाहत्यांसोबत शेअर करत असतो. त्याच्या फोटोंना चाहतेही भरपूर प्रतिसाद देत असतात. रामनवमी निमित्त अभिजीतने काही नवीन फोटो शेअर केले. त्यात त्याने धोतर नेसलेलं आहे. पण जर आम्ही तुम्हाला सांगितलं की ते धोतर नसून साडी आहे तर? अभिजीतने शेअर केलेल्या फोटोत त्याने भगव्या रंगाचं धोतर नेसलं आहे. त्यावर गर्द निळ्या रंगाचं विणकाम केलं गेलं आहे. धोतराच्या काठांनाही निळ्या रंगाची डिझाइन पाहायला मिळतेय. त्यासोबत त्याने निळ्या रंगाची शाल परिधान केली आहे. या लुकमध्ये अभिजीत आकर्षक दिसत असून त्याचा हा हटके अंदाज चाहत्यांना प्रचंड भावला आहे. प्रेक्षकांनी त्याचं खूप कौतुक केलं आहे. पण त्याने नसलेलं ते धोतर एक साडी आहे. याचा खुलासा त्याने फोटोला दिलेल्या कॅप्शनमध्ये केला आहे. त्याने लिहिलं, 'मन से रावण जो निकाले राम उसके मन मे हैं. हे स्त्री चे कपडे, हे पुरूषांचे कपडे अशा स्टिरिओटाईपला ‘राम राम’ करूया. लोप पावत चाललेल्या औरंगाबादच्या अनुभवी कुरेशी कुटुंबातल्या वीणकारांनी विणलेली ही ‘हिमरू’ वीण असलेली रेशमी साडी, धोतर म्हणून तेवढीच सुरेख दिसते.' अभिजीतने या फोटोंमध्ये हातमागावर विणलेली रेशमी साडी धोतर म्हणून नेसली आहे. आपल्या कपड्यांमध्ये पारंपरिक वस्त्रांचा समावेश करायला सांगत अभिजीतने आपली परंपरा जपण्याची विनंती केली आहे. पारंपरिक विणकाम करून विणल्या जाणाऱ्या कपड्यांकडे सगळ्यांचं लक्ष वेधून घेण्यासाठी अभिजीतने हा सगळा खटाटोप केला आहे. त्याच्या या प्रयत्नांचं चाहत्यांनी कौतुकही केलं आहे. हटके स्टाइलचं फोटोशूट करून अभिजीतने कपड्यांच्या बाबतीतले समज बाजूला ठेवून एक नवा दृष्टिकोन चाहत्यांना देऊ केला आहे.
from Marathi Bollywood News, Marathi Cinema News https://ift.tt/3gqKJXM
