मुंबई- हॉलिवूडची लोकप्रिय अभिनेत्री मागील काही दिवसांपासून सोशल मीडियावर चर्चेत आहे. नुकताच किम आणि तिचा पती रॅपर कान्ये वेस्ट यांचा घटस्फोट झाला आहे. त्यानंतर ती सोशल मीडियावर चर्चेचा विषय बनली होती. घटस्फोटानंतर किम तिच्या आयुष्याला नव्याने सुरुवात करू पाहत आहे. परंतु. तिच्या नुकत्याच शेअर केलेल्या फोटोमुळे किम पुन्हा एकदा सोशल मीडियावर चर्चेत आहे. तिने तिचे काही बोल्ड फोटो चाहत्यांसोबत शेअर केले आहेत. महत्वाचं म्हणजे या फोटोंमध्ये ती बिकिनी घालून अभ्यास करताना दिसतेय. किम सोशल मीडियावर प्रचंड सक्रिय असते. ती नेहमीच तिचे बोल्ड फोटो चाहत्यांसोबत शेअर करत असते. आताही किमने तिचे काही बोल्ड फोटो शेअर केले आहेत. या फोटोंमध्ये ती चक्क बिकिनी परिधान करून पुस्तक वाचतेय. यात तिने ऑफ व्हाइट रंगाची बिकिनी परिधान केली आहे आणि ती घराबाहेर ऊन अंगावर घेत अभ्यास करत आहे. किम सध्या लॉच्या परीक्षेची तयारी करत आहे. तिला वकील बनायचं आहे. वकील बनणं तिचं स्वप्न असल्याचं ती सांगते. तिच्या या फोटोंवर चाहते घायाळ तर झालेच आहेत शिवाय त्यांनी निरनिराळ्या कमेंटही केल्या आहेत. एका युझरने तिच्या फोटोवर कमेंट करत म्हटलं, 'असं कोण अभ्यास करत भाई?' तर एका युझरने तिची फिरकी घेत म्हटलं, 'मला वाटतं आता पुन्हा शाळेत जावं लागेल.' दुसऱ्या युझरने तिला कॉलेजच नाव विचारत म्हटलं, 'हे कुठलं लॉ कॉलेज आहे?' तर दुसरीकडे तिचे हे फोटो चाहत्यांना प्रचंड पसंत पडले आहेत. तिच्या फोटोंना काही तासातच लाखो लाईक मिळाले आहेत. काही जण तिची तुलना 'लीगली ब्‍लॉन्‍ड' चित्रपटातील अभिनेत्री एले वुड्ससोबत करत आहेत. किमने नुकताच पतीपासून घटस्फोट घेतला असून ते दोघे मिळून चारही मुलांचं पालनपोषण करतात.
from Marathi Bollywood News, Marathi Cinema News https://ift.tt/2QXDAnm
