मुंबई- छोट्या पडद्यावरील '' या मालिकेतून घराघरात पोहोचलेली अभिनेत्री सोशल मीडियावर चर्चेत आहे. अक्षयाने तिच्या अभिनयाने अनेकांची मनं जिंकून घेतली. तिच्या अभिनयाचं प्रेक्षकांकडून कौतुकही केलं जातं. परंतु, अक्षयाच्या जाड असण्याची थट्टा देखील उडवली जाते. अक्षयाने याच गोष्टीवर भाष्य करणारी एक पोस्ट केली आहे. त्यात तिने एखाद्या व्यक्तीची सुंदरता हा समाज कशी ठरवतो हे सांगत सगळ्यांच्याच डोळ्यात अंजन टाकलं आहे. आजपर्यंत बॉलिवूड अभिनेत्री विद्या बालन पासून कित्येक अभिनेत्री बॉडी शेमिंगला बळी पडल्या आहेत. लहानपणापासून आलेले अनुभव सांगत अक्षया म्हणते, 'जाड असणाऱ्या मुली खूप बिनधास्त असतात. लोक त्यांना काय म्हणतात याचा त्यांना काहीही फरक पडत नाही. त्यांचा स्वतःवर विश्वास असतो. पण खरं सांगू, कोणालाच माहीत नाहीये की जाड म्हणवून घ्यायला किती त्रास होतो. तुम्हाला तुमच्या शरीरासाठी ओळखलं जातं तुमच्या वागण्यासाठी नाही. हो माझ्यातही खूप आत्मविश्वास आहे. मीसुद्धा ट्रोलर्सना उत्तर देते पण सगळ्यांची तोंडं कशी बंद करणार. काही व्यक्ती अशा काही वाईट अनुभवांतून जातात, ज्याची तुम्ही कल्पना देखील करणार नाही. त्यांच्या भावनांचा कधीच कुणी विचार करत नाही.' पुढे तिने लिहिलं, 'आम्हाला जाड म्हणणाऱ्या व्यक्तींकडे लक्ष देत नाही कारण ती आमची पद्धत असते समाजाला दाखवायची की आमच्यात आत्मविश्वास आहे. आम्ही चांगले असतो पण प्रत्येकवेळी आमच्या जाड दिसण्यामुळे आम्हाला नाकारलं जातं. जेव्हा तुमचे शाळेतले मित्रमैत्रिणी एकमेकांची विचारपूस करतात आणि तुम्हीही एखाद्याची वाट पाहत असता की एखादी मैत्रीण येऊन तुमची विचारपूस करेल. पण तसं होत नाही कारण तुम्ही जाड आहात. हे खूप वाईट आहे.' 'प्रत्येकालाच तुमचं जाड असणं आवडत नाही. त्यांना ते चांगलं वाटत नाही. मला खूप मजेशीर वाटतं जेव्हा लोकं माझ्याकडे येतात आणि म्हणतात तुम्ही जाड आहात पण चांगल्या आहात. आमच्या जाड असण्याचं आणि चांगलं वागण्याचा काय संबंध? प्रत्येकवेळी एखाद्याची जाड असण्यावरून थट्टा केली जाते. ती व्यक्ती काही बोलत नसली तरीही त्याचा असा अर्थ होत नाही की त्याला वाईट वाटत नाही. आम्हाला आमच्या लठ्ठपणावरून पारखू नका. आमच्या भावना आमच्या शरीराच्या आकारावर आधारलेल्या नसतात.' अशी पोस्ट लिहून तिने तिच्या भावनांना वाट करून दिली आहे.
from Marathi Bollywood News, Marathi Cinema News https://ift.tt/3gsySbR
