खबरीने पोलिसांना दिलेली गुलशन कुमार यांच्या हत्येची माहिती

गुलशन कुमार संगीत क्षेत्रात येण्यापूर्वी दिल्लीतील दरियागंज येथे ज्यूसचे दुकान चालवायचे. त्यांना लहानपणापासूनच संगीताची आवड होती. शंकर, पार्वती, वैष्णो देवीवर त्यांची खूप श्रद्धा होती. मनात श्रद्धा आणि काही तरी करून दाखवण्याची इच्छा यामुळे गुलशन कुमार यांनी दिल्लीमध्ये कॅसेटचे दुकान सुरू केले. सुरुवातीला गुलशन कुमार यांनी स्वस्त दरात कॅसेट विकायला सुरुवात केली होती. त्यानंतर त्यांनी नोएडामध्ये संगीत निर्मिती कंपनीची स्थापना केली. हळूहळू त्यांचा हा व्यापार वाढला आणि ते मुंबईला आले आणि त्यांनी आपली ओळख 'कॅसेट किंग' अशी केली. गुलशन कुमार यांनी १९८३ मध्ये टी सिरीज कंपनीची स्थापना केली. सचोटीने व्यवहार करत असल्याने ते देशात सर्वात जास्त टॅक्स भरणारे व्यक्ती ठरले होते. वैष्णोदेवीला येणाऱ्या सर्व भक्तांना भंडारा द्यायचे. कायम हसतमुख असलेल्या गुलशन कुमार यांचा शेवट अतिशय क्रूर पद्धतीने झाल्याने प्रत्येकालाच त्याबद्दल हळहळ वाटली होती.

'कॅसेट किंग' अशी ओळख असलेल्या गुलशनकुमार यांच्या हत्येची सुपारी अंडरवर्ल्डलाने दिल्याची माहिती मुंबई पोलिसांना त्यांच्या खब-यांनी दिली होती. ज्या पद्धतीने गुलशन कुमार यांची हत्या झाली त्यामुळे हिंदी सिनेमासृष्टी हादरून गेली होती.

गुलशन कुमार संगीत क्षेत्रात येण्यापूर्वी दिल्लीतील दरियागंज येथे ज्यूसचे दुकान चालवायचे. त्यांना लहानपणापासूनच संगीताची आवड होती. शंकर, पार्वती, वैष्णो देवीवर त्यांची खूप श्रद्धा होती. मनात श्रद्धा आणि काही तरी करून दाखवण्याची इच्छा यामुळे गुलशन कुमार यांनी दिल्लीमध्ये कॅसेटचे दुकान सुरू केले. सुरुवातीला गुलशन कुमार यांनी स्वस्त दरात कॅसेट विकायला सुरुवात केली होती. त्यानंतर त्यांनी नोएडामध्ये संगीत निर्मिती कंपनीची स्थापना केली. हळूहळू त्यांचा हा व्यापार वाढला आणि ते मुंबईला आले आणि त्यांनी आपली ओळख 'कॅसेट किंग' अशी केली. गुलशन कुमार यांनी १९८३ मध्ये टी सिरीज कंपनीची स्थापना केली. सचोटीने व्यवहार करत असल्याने ते देशात सर्वात जास्त टॅक्स भरणारे व्यक्ती ठरले होते. वैष्णोदेवीला येणाऱ्या सर्व भक्तांना भंडारा द्यायचे. कायम हसतमुख असलेल्या गुलशन कुमार यांचा शेवट अतिशय क्रूर पद्धतीने झाल्याने प्रत्येकालाच त्याबद्दल हळहळ वाटली होती.

गुलशन कुमार यांच्यावर १६ गोळ्या झाडल्या होत्या

९० च्या दशकामध्ये मायानगरी मुंबई दहशतीच्या छायेखाली होती. याकाळात शहरामध्ये आर्थिक घडामोडींना प्रचंड वेग आला होता. तर दुसरीकडे अंडरवर्ल्डची दहशतही वाढू लागली होती. दाऊद इब्राहिम आणि त्याचा उजवा हात मानला जाणाऱ्या अबू सालेमचे प्रस्थ चांगलेच वाढले होते. १९९३ मध्ये मुंबईमध्ये झालेल्या बॉम्बस्फोटांच्या मालिकेने संपूर्ण शहर, देश हादरून गेला होता.

पाच महिन्यांपूर्वी राकेश मारियांना फोन आला होता

त्या हल्ल्यातून मुंबई सावरते न सावरते तोच १२ ऑगस्ट १९९७ ला गुलशन कुमार यांची हत्या झाली. जीतेश्वर महादेव मंदिराबाहेर त्यांच्यावर १६ गोळ्या झाडण्यात आल्या होत्या. दाऊद इब्राहिमच्या इशाऱ्यावर अबू सालेमने गुलशन कुमार यांची हत्या मंदिराबाहेर उभ्या असलेल्या दोन शार्प शूटरने केली. वास्तविक अबू सालमेच्या या प्लॅनची माहिती पोलिसांना पाच महिने आधी मिळाली होती. हत्या होण्याच्याआधी एप्रिल महिन्यात एका खबऱ्याने महाराष्ट्राचे पूर्व डीजीपी राकेश मारिया यांना याची माहिती दिली होती.

अबू सालेमने मागितले होते १० कोटी

फोनवरच त्याने सांगितले होते, 'सर, गुलशन कुमार यांची हत्या होणार आहे.' गुलशन कुमार यांनी हिंदी गाणी विशेषतः भजनांना घराघरांत पोहोचवले होते. वैष्णोदेवीला जाणाऱ्या भाविकांना तिथे जेवणाची सोय त्यांनी केली होती. आजही ही सेवा सुरू आहे. दिवसागणिक गुलशन कुमार यांचे उत्पन्न वाढत असल्याने ते अनेकांच्या डोळ्यात आले होते. त्यामुळेच अंडरवर्ल्डकडून १० कोटी रुपयांची खंडणीची मागणी त्यांच्याकडे झाली होती.

आता वर जाऊन पूजा करा

पत्रकार हुसैन जैदी यांनी ‘माय नेम इज अबू सालेम’ हे पुस्तक लिहिले. या पुस्तकात अबू सालेमने गुलशन कुमार यांच्याकडे १० कोटी रुपये मागितले होते, परंतु गुलशन कुमार यांनी ते देण्यास नकार दिल्याचा उल्लेख केला आहे. सातत्याने गुलशन कुमार यांना अंडरवर्ल्डकडून धमक्या दिल्या जात होत्या. परंतु गुलशन कुमार घाबरले नाहीत. उलट त्यांनी अबू सालेमला सुनावले होते की या १० कोटी रुपयांचा वैष्णोदेवीला भंडारा घालीन. त्यावेळी अबू सालेमला खूप राग आला होता. तो म्हणाला ,'इथे राहून खूप पूजा केली आता वरती जाऊन पूजा कर...'

मंदिरातच हत्येचा प्लॅन

महाराष्ट्राचे माजी डीजीपी राकेश मारिया यांनी आयएएनएस या वृत्तसंस्थेला दिलेल्या मुलाखतीमध्ये सांगितले होते, ' मला १२ एप्रिल १९९७ रोजी एका खबऱ्याने गुलशन कुमार यांच्या हत्येचा कट रचल्याची माहिती दिली होती. मी त्याला विचारले यामागे कोण आहे. तेव्हा त्याने उत्तर दिले अबू सालेम. त्याने त्याच्या शूटरबरोबर हत्येचा प्लॅन रचला आहे. गुलशन कुमार रोज सकाळी शिव मंदिरात जातात तेव्हाच त्यांच्यावर हल्ला केला जाणार आहे.'

महेश भट्ट यांना केला फोन

राकेश मारिया यांनी पुढे सांगितले, ' खबऱ्याने दिलेल्या माहितीमुळे मी सतर्क झालो. त्यानंतर मी दिग्दर्शक महेश भट्ट यांना फोन करून विचारले की गुलशन कुमार रोज मंदिरात जातात का? तेव्हा त्यांनी विचारले हे सगळे का विचारत आहात. परंतु मी त्यांना माहिती देण्यास सांगितले. त्यांनी हो असे सांगितल्यावर क्राईम ब्रँचला फोन केला. त्यानंतर गुलशन कुमार यांची सुरक्षा व्यवस्था वाढवली होती.'

संशयितांमध्ये नदीम सैफीचे ही नाव

राकेश मारिया यांना मिळालेल्या माहितीनंतर पोलीस खाते पुन्हा सतर्क झाले. त्यांनी गुलशन कुमार यांना या सर्व गोष्टींची कल्पना दिली आणि सांगितले की, काही दिवस मंदिरात जाणे टाळा. परंतु त्यांनी ऐकले नाही. गुलशन कुमार यांच्या हत्येनंतर संशयितांच्या यादीमध्ये नदीम श्रवण जोडीतील नदीमचेही नाव होते. त्यावेळी तो इंग्लंडमध्ये होता आणि त्यानंतर तो तिथेच राहिला. दरम्यान २००२ मध्ये एका कोर्टाने ठोस पुरावे नसल्याचे सांगत नदीमविरोधातील सर्व आरोप रद्द केले. परंतु त्यांच्या अटकेबाबत काढलेले वॉरन्ट रद्द केले नाही.

दाऊद मर्चेंट आणि विनोद जगताप यांनी झाडल्या होत्या गोळ्या

त्यावेळच्या वृत्तांनुसार अबू सालेमने गुलशन कुमारची हत्या करण्याची जबाबदारी दाऊद मर्चेंट आणि विनोद जगताप या दोन शार्प शूटवर सोपवली होती. ९ जानेवारी २००१ ला विनोद जगतापने त्याचा गुन्हा कबूल केला. ज्यावेळी गुलशन कुमार यांची हत्या झाली तेव्हा ते 'कॅसेट किंग' होते. सिने जगतातील नावाजलेले मोठे निर्माते होते. त्यांच्या हत्येनंतर बॉलिवूडमध्ये अबू सालेम नावाची दहशत अधिकच वाढली होती.

भाऊ आणि मुलावर सर्व जबाबदारी

गुलशन कुमार यांच्या हत्येनंतर टी सीरिज कंपनीची सर्व जबाबदारी त्यांचा भाऊ कृष्ण कुमार आणि मुलगा भूषण कुमार यांच्या खांद्यावर पडली. गुलशन कुमार यांची हत्या झाली तेव्हा भूषण २० वर्षांचा होता. गुलशन यांना दोन मुली आहेत. तुलसी आणि खुशाली कुमारी. तुलसी कुमार आज गायिका आहे तर खुशाली ही फॅशन डिझायनर, गायिका आणि अभिनेत्री आहे. गुलशन कुमार यांच्या आयुष्यावर टी सीरिजने मोगुली नावाने बायोपिक करण्याची घोषणा केली होती. यामध्ये गुलशन कुमार यांची व्यक्तिरेखा अक्षय कुमार साकारणार आहे. परंतु अद्याप या सिनेमाबाबत नवीन माहिती मिळाली नाही.

from Marathi Bollywood News, Marathi Cinema News https://ift.tt/3o4DSFb