मुंबई: बंगाली अभिनेत्री आणि टीएमसी खासदार तिच्या प्रेग्नन्सीच्या वृत्तामुळे सोशल मीडियावर चर्चेत आली आहे. नुसरतनं स्वतः या प्रेग्नन्सीबद्दल कोणतंही वक्तव्य केलेलं नाही. पण जेव्हा तिचा पती निखिल जैनला याबाबत विचारल्यावर त्यानं मात्र आपल्याला याविषयी काहीच कल्पना नसल्याचं स्पष्ट केलं. त्याचबरोबर जर नुसरत प्रेग्नन्ट नसेल तरीही हे बाळ आपलं नसल्याचंही त्यानं म्हटलं आहे. कारण मागच्या ६ महिन्यांपासून नुसरत आणि निखिल एकमेकांसोबत राहत नाहियेत. निखिलच्या या प्रतिक्रियेनंतर सोशल मीडियावर वेगवेगळ्या चर्चांना उधाण आलं आहे आणि अशातच नुसरतचं अभिनेता यश दासगुप्ताशी अफेअर असल्याच्या चर्चाही सोशल मीडियावर होताना दिसत आहेत. कोण आहे हा ? जाणून घेऊयात त्याच्याबद्दल... यश दासगुप्ता हा बंगाली चित्रपटासृष्टीतील एक प्रसिद्ध अभिनेता आहे. २०२१मध्ये पश्चिम बंगालमध्ये झालेल्या विधानसभा निवडणूकीत भाजपाकडून यशनं निवणूक लढवली होती. निवडणूकीसाठी तो उमेदवार म्हणून उभा होता. पण ही निवणूक तो जिंकू शकला नाही. या निवडणूकांच्या काळातच यश दासगुप्ता अभिनेत्री नुसरत जहांला डेट करत असल्याची माहिती समोर आली होती. पण याची चर्चा तेव्हा झाली जेव्हा यश आणि नुसरत डिसेंबर २०२० मध्ये एकत्र राजस्थान ट्रीपवर गेले होते. यशला जेव्हा नुसरत टीएमसी खासदार आहे आणि तू भाजपामध्ये असं का? राजकीय मुद्द्यांवर तुमचं एकमत का झालं नाही? असा प्रश्न विचारण्यात आला त्यावेळी या प्रश्नाचं उत्तर देताना त्यानं अक्षय कुमार आणि ट्विंकल खन्ना यांचं नाव घेतलं होतं. तो म्हणाला, 'अक्षय कुमार आणि ट्विंकल खन्नासारखं? अरे नाही, अक्षय आणि ट्विंकलचं लग्न झालेलं आहे. पण नुसरत आणि माझं लग्न नाही झालंय.' यशच्या करिअरबद्दल बोलायचं तर त्यानं टीव्ही शोमधून आपल्या करिअरची सुरुवात केली होती. त्यानं 'बसेरा', 'बंदिनी', 'ना आना इस देश मेरी लाडो', 'अदालत' आणि 'महिमा शनिदेव की' या हिंदी मालिकांमध्ये काम केलं आहे. यश दासगुप्तानं काही टीव्ही रिअलिटी शोमध्येही काम केलं आहे. ज्यात सेलिब्रेटी डान्स रिअलिटी शो 'Ritur Mela Jhoom Tara Ra Ra' आणि बंगाली शो 'Bojhena Se Bojhena' यांचा समावेश आहे. या शोमधून त्याला बरीच प्रसिद्धी मिळाली आहे. त्यानंतर त्यानं बंगाली चित्रपटांमध्ये आपलं नशीब आजमावलं. त्यानं 'गँगस्टर', 'वन', 'टोटल दादागिरी', 'फिदा', 'Mon Jaane Na' आणि 'SOS Kolkata' या चित्रपटांमध्ये काम केलं आहे. नुसरत आणि निखिल जैनबद्दल बोलायचं तर या दोघांनी २०१९ मध्ये टर्कीमध्ये एका मोठ्या विवाह समारंभात लग्नगाठ बांधली होती. त्याचं लग्न आणि लग्नाचे फोटो सोशल मीडियावर खूप चर्चेत राहिले होते. पण त्यानंतर काही महिन्यानंतरच या दोघांमध्ये वादाची ठिणगी पडली. मागच्या काही महिन्यापासून दोघंही एकमेकांपासून वेगळे राहत आहेत. नुसरत आणि यश दासगुप्तानं २०२० मध्ये रिलीज झालेल्या 'SOS Kolkata' या चित्रपटात काम केलं होतं. या चित्रपटाच्या शूटिंगदरम्यान या दोघांमध्ये घनिष्ठ मैत्री झाली होती. त्यानंतर हे दोघं एकमेकांना डेट करत असल्याच्या चर्चा सुरू झाल्या होत्या पण दोघांनीही यावर कोणतीही प्रतिक्रिया दिलेली नाही.
from Marathi Bollywood News, Marathi Cinema News https://ift.tt/3vakpF5