- मिहीर भणगे ‘एमएक्स प्लेअर’वरच्या ‘’ या वेबसीरीजमधून अदितीचा उत्कृष्ट अभिनय प्रेक्षकांसमोर आला. पाठोपाठ ‘शी’ या वेबसीरीजमधल्या तिच्या अभिनयाचंही कौतुक झालं. अभिनयकौशल्य आणि सोशल मीडियावर सक्रिय असलेल्यार अदितीनं ‘महाराष्ट्रातली सर्वाधिक आकर्षक महिला २०२०’ हा किताब आपल्या नावे केला आहे. या निमित्तानं तिच्याशी साधलेला संवाद... ‘महाराष्ट्राची सर्वाधिक आकर्षक महिला २०२०’ ठरल्याबद्दल तुझी भावना?- ही गोष्ट मला स्वतःलाही सुखद धक्का देणारी आहे. माझ्यासाठी ही एक अतुलनीय भेट आहे. अनपेक्षित होतं; पण मला माझ्या मेहनतीवर आणि आतापर्यंत केलेल्या कामावर विश्वास होता. आता या किताबाच्या निमित्तानं त्यावर शिक्कामोर्तब झालं आहे. मी महाराष्ट्रीयन मुलगी आहे आणि त्याचा मला अभिमान वाटतो. कोणते गुण तुम्हाला आकर्षक ठरवतात?- संबंधित व्यक्तीचे विचार. माझ्याबाबत बोलायचं झालं; तर मला कुणाही व्यक्तीचे विचार अधिक आकर्षित करतात. तुझ्या मते, तुझ्यात असे कोणते गुण आहेत; जे तुला सर्वाधिक आकर्षक बनवतात?- मी स्वतःच स्वत:च्या गुणांची बढाई कशी मारू... उत्तर द्यायचंच झालं; तर मला माझ्यातली एक गोष्ट आवडते आणि ती म्हणजे, मी खूप मेहनती आहे आणि विनम्र आहे. मला फार गंभीर वागायला आवडत नाही. मला विश्वास आहे, की आपलं जीवन हा एक प्रवास आहे. आपण आपल्या जीवनाचा प्रवास आनंदी करायला हवा. मनोरंजनसृष्टीत सर्वाधिक आकर्षक महिला आणि पुरुष कोण आहेत, असं तुला वाटतं? आणि का?- रणबीर कपूर... त्याचं उत्कृष्ट सादरीकरण आणि अभिनयकौशल्य त्याला आकर्षक बनवते. अमिताभ बच्चनसर हे सुद्धा सर्वाधिक आकर्षक आहेत. महिलांमध्ये सांगायचं झालं; तर जेनिफर लॉरेन्स आणि केट विन्स्लेट मला आकर्षित करतात. २०२० हे वर्ष तुला नवी ओळख देणारं ठरलं. हे तुला अपेक्षित होतं? आणि तुझ्या आगामी वाटचालीबाबत काय सांगशील? - होय, गेलं वर्ष खूपच घडामोडींचं आणि आव्हानात्मक होतं. मी केलेल्या कामाचं कौतुक देशभरातल्या प्रेक्षकांनी केलं याचा मला अधिक आनंद आहे. आगामी वाटचालीबाबत सांगायचं; तर काही प्रोजेक्ट्सवर काम सुरू आहे. मी काही नव्या संहितादेखील वाचते आहे. त्याविषयी आता बोलणं खूपच लवकर होईल. एक गोष्ट मात्र नक्की, समोर आलेली चांगली संधी मी दवडणार नाही. मला माझ्या मेहनतीवर आणि आतापर्यंत केलेल्या कामावर विश्वास होता. आता या किताबाच्या निमित्तानं या मेहनतीवर शिक्कामोर्तब झालं आहे. २. हर्षदा विजयप्रसिद्धीस कारण की: 'लॅम्बरगिनी' या म्युझिक व्हिडीओमुळे हर्षदा रातोरात प्रकाशझोतात आली. या गाण्यावर आजही संगीत सोहळ्यात ठेका धरला जातो. तिने 'विठ्ठल' या मराठी चित्रपटात काम केलं होतं. आता ती तमिळ सिनेमामध्ये पदार्पण करण्यास सज्ज आहे. यात ती विजय सेतुपती आणि तापसी पन्नूसह स्क्रीन शेअर करेल. आकर्षक आहे कारण... मोहक डोळे आणि तिची फॅशन. रिलेशनशिप स्टेटस: सिंगल ३. कयादू लोहारप्रसिद्धीस कारण की: टाइम्स फ्रेश फेस २०१९ची विजेती कयादू लोहारचा चाहतावर्ग मोठा आहे. लवकरच तिचे मराठी, मल्याळम आणि कन्नड भाषेत प्रत्येकी एक चित्रपट प्रदर्शित होणार आहे. या चित्रपटांच्या चित्रीकरणानिमित्त तिला वेगवेगळी ठिकाणं बघता येत आहेत. आकर्षक आहे कारण... मेहनत घ्यायची तयारी. रिलेशनशिप स्टेटस: सिंगल ४. पूजा सावंतप्रसिद्धीस कारण की: आकर्षक लूक्ससह पूजा उत्तम सादरीकरणासाठी ओळखली जाते. तिचं प्राण्यांप्रती असलेलं प्रेम तिच्या चाहत्यांनी वेळोवेळी पाहिलं आहे. २०२० साली 'बोनस' चित्रपट आला, त्यानंतर तिने 'महाराष्ट्राज बेस्ट डान्सर' या रिअॅलिटी शोचं परीक्षण केलं. आकर्षक आहे कारण... घायाळ करणारं व्यक्तिमत्त्व रिलेशनशिप स्टेटस: लाखो हृदयांची धडकन असलेली पूजा सिंगल आहे. ५. अनुजा साठे प्रसिद्धीस कारण की: 'पेशवा बाजीराव' आणि 'लगोरी रिटर्न्स' या मालिकेत उत्तम अभिनय करुन तिनं स्वत:ला सिद्ध केलं. तसंच तिचं 'ब्लॅकमेल' आणि 'परमाणू' या हिंदी चित्रपटातील काम प्रेक्षकांन आवडलं. तर 'एक थी बेगम' या सीरिजमधील तिचं काम पाहून प्रेक्षकांनी तिच्यावर कौतुकाचा वर्षाव केला. आकर्षक आहे कारण... तिचं हास्य, स्वप्नाळू डोळे आणि प्राण्यांप्रती असलेलं प्रेम. रिलेशनशिप स्टेटस: अभिनेता सौरभ गोखलेशी विवाहबद्ध. ७. पल्लवी पाटीलप्रसिद्धीस कारण की: पल्लवीने 'ट्रिपल सीट' या चित्रपटातील तिच्या भूमिकेला न्याय दिला होता. ती २०२०मध्ये शशांक केतकरसह एका रोमँटीक गाण्याच्या व्हिडीओमध्ये चमकली होती. यातील तिचा अंदाज प्रेक्षकांना भावला होता. काही दिवसांपूर्वी पल्लवीने 'जिगरबाज' या मालिकेच्या माध्यमातून छोट्या पडद्यावर कमबॅक केलं होतं. आकर्षक आहे कारण... आकर्षक व्यक्तिमत्त्व आणि टॅलेंट. रिलेशनशिप स्टेटस: सिंगल ८. तृप्ती तोरडमलप्रसिद्धीस कारण की: 'सविता दामोदर परांजपे' या चित्रपटाच्या माध्यमातून तृप्तीने मराठी सिनेविश्वात दमदार पदार्पण केलं. तसंच 'फत्तेशिकस्त' या चित्रपटातील तिचं काम प्रेक्षकांना आवडलं. आता ती लवकरच ओम राऊतच्या 'आदिपुरुष' या चित्रपटात दिसणार आहे. आकर्षक आहे कारण... आकर्षक बांधा आणि मनमोहक लूक्स. रिलेशनशिप स्टेटस: सिंगल १०. शिवानी बावकरप्रसिद्धीस कारण की : 'लागिर झालं जी' या मालिकेमुळे शिवानी घराघरांत पोहोचली. गेल्या वर्षी याच मालिकेतील तिचा सहकलाकार नितिश चव्हाणसह ती 'बरसू दे' या रोमँटिक गाण्यात दिसली. लॉकडाउनच्या काळात तिनं सोशल मीडियावर फिटनेस आणि सौंदर्यप्रसाधनांवरील व्हिडीओजची सीरिज केली होती. या व्हिडीओजना तिच्या चाहत्यांकडून तुफान प्रतिसाद मिळाला. आकर्षक आहे कारण : गुणी आणि हट के अदा यामुळे तिनं प्रेक्षकांच्या मनात स्थान निर्माण केलंय. रिलेशनशिप स्टेटस : सिंगल १४. रेवती लेलेप्रसिद्धीस कारण की : रेवतीनं आजवर अनेक मालिकांमध्ये काम केलं आहे. पण 'स्वामिनी' या मालिकेतील तिच्या रमाबाई पेशवे या भूमिकेमुळे तिला सर्वाधिक लोकप्रियता मिळाली. तिनं नुकतंच 'आपकी नजरों ने समजा' या मालिकेतून हिंदी टीव्हीविश्वात पदार्पण केलं. आकर्षक आहे कारण : सौंदर्य, खळी आणि हास्य यामुळे तिनं प्रेक्षकांची मनं जिंकली आहेत. रिलेशनशिप स्टेटस : अदिश वैद्यबरोबर रिलेशनशिपमध्ये. १५. शिवानी जाधवप्रसिद्धीस कारण की : तिनं २०१९ चा फेमिना मिस ग्रँड इंडिया हा किताब पटकावला. गेल्या वर्षी 'तेनू वेखी जावाँ' या म्युझिक व्हिडीओमध्ये ती हिमांश कोहलीसह दिसली होती. सोशल मीडियावरील तिचे मजेशीर रील्स सध्याच्या कठीण काळात तिच्या चाहत्यांचं मनोरंजन करताहेत. आकर्षक आहे कारण : तिचं लावण्य आणि अदा. रिलेशनशिप स्टेटस : सिंगल १७. भाग्यश्री लिमयेप्रसिद्धीस कारण की : 'घाडगे अँड सून' या मालिकेतील अमृता या भूमिकेमुळे भाग्यश्रीला प्रचंड लोकप्रियता मिळाली. समीर जोशी यांच्या 'मेडली' या आगामी सिनेमातून ती मराठी सिनेविश्वात पदार्पण करण्यास सज्ज आहे. इतकंच नाही तर जॉन अब्राहम अभिनीत 'सत्यमेव जयते २' या आगामी सिनेमातही तिनं महत्त्वाची भूमिका केली आहे. सोशल मीडियावर ती अनेकदा प्राण्यांच्या स्वास्थ्याविषयी जनजागृती करत असते. ती एक कवयित्रीदेखील आहे. आकर्षक आहे कारण : तिचा उत्तम फॅशन सेन्स आणि डाऊन टू अर्थ दृष्टिकोन. रिलेशनशिप स्टेटस : सिंगल १८. ईशा केसकरप्रसिद्धीस कारण की : 'जय मल्हार'मधील विनम्र बानू असो किंवा 'माझ्या नवऱ्याची बायको'मधील उत्साही शनाया असो; ईशानं प्रत्येक भूमिका अगदी सहजतेनं साकारली आहे. सोशल मीडियावर ती नेहमी फिटनेस आणि प्राण्यांचे व्हिडीओ पोस्ट करत असते. गेल्या वर्षी तिनं काही महत्त्वपूर्ण सामाजिक विषयांवर भाष्य करण्यासाठी काही लाइव्ह सेशन्स घेतले होते. आकर्षक आहे कारण : तिचे मनमोहक डोळे आणि अभिनयकौशल्य रिलेशनशिप स्टेटस : अभिनेता ऋषी सक्सेनाबरोबर रिलेशनमध्ये. १९. प्रणाली भालेराव प्रसिद्धीस कारण की : प्रणाली मराठी सिनेसृष्टीत हळूहळू रुळतेय. 'टकाटक' या सिनेमातील भूमिकेमुळे तिला ओळख मिळाली. आता 'टकाटक २' या आगामी सिनेमात ती अजिंक्य राऊतसह मुख्य भूमिकेत दिसणार आहे. आकर्षक आहे कारण : बोल्ड, बिनधास्त आणि सुंदर प्रतिमा रिलेशनशिप स्टेटस : सिंगल
from Marathi Bollywood News, Marathi Cinema News https://ift.tt/34QpDem