मुंबई: बॉलिवूड अभिनेता सुशांतसिंह राजपूतच्या निधनाला येत्या १४ जूनला एक वर्ष पूर्ण होत आहे. मागच्या वर्षी सुशांतनं आत्महत्या करत आपलं आयुष्य संपवलं. त्यानंतर त्याच्या आत्महत्येसोबतच बॉलिवूडमधील ड्रग्स प्रकरणही समोर आलं ज्याचा तपास सीबीआय आणि एनसीबी करत करत आहे. काही दिवसांपूर्वीच या प्रकरणी सुशांतचा मित्र आणि रुममेट यांला हैदराबाद येथे अटक करण्यात आली. पण सिद्धार्थला पकडणं अजिबात सोपं नव्हतं. पण एका सोशल मीडिया पोस्टवरून एनसीबीनं सिद्धार्थचा पत्ता शोधून काढला. एक हिंदी वेबसाइटनं दिलेल्या वृत्तानुसार एनसीबी ऑगस्ट २०२० पासूनच सिद्धार्थ पिठानीच्या मागावर होती. सिद्धार्थ त्या निवडक व्यक्तींपैकी एक होता. जे त्याच्या निधनाच्या वेळी त्याच्या घरी उपस्थित होते. त्यानंतर सिद्धार्थ गायब झाला होता. पण एनसीबीनं सिद्धार्थच्या एका सोशल मीडिया पोस्टवरून त्याचा पत्ता शोधला. खरं तर सुशांतच्या निधनानंतर सिद्धार्थनं त्याचं जुनं इन्स्टाग्राम अकाऊंट डिलिट केलं होतं पण त्यानंतर काही दिवसांपूर्वीच त्यानं नवीन अकाऊंट सुरू केलं. रिपोर्टनुसार सिद्धार्थ पिठानी मागची वर्षीच्या ऑगस्ट महिन्यापासूनचं एनसीबीपासून स्वतःचा बचाव करत फिरत होता. त्यानं त्याच्या नव्या इन्स्टाग्राम अकाऊंटवर एप्रिल महिन्यात जिममधील एक फोटो शेअर केला होता. त्याशिवाय त्यानं त्याच्या साखरपुड्याचा फोटोही या इन्स्टाग्राम अकाऊंटवर शेअर केला. त्यानंतर एनसीबीनं त्या जिमचा शोध घेतला ज्या जिमला सिद्धार्थनं आपल्या पोस्टमध्ये टॅग केलं होतं. एनसीबी जनरल डिरेक्टर समीर वानखेडे म्हणाले, 'मागच्या बऱ्याच काळापासून सिद्धार्थ पिठानी एनसीबीनं पाठवलेल्या कोणत्याही नोटीसचं उत्तर देत नव्हता. त्यामुळे आम्ही सोशल मीडियावरून त्याचा पत्ता शोधण्याचा प्रयत्न करत होतो.' सिद्धार्थला एनसीबीनं अटक केल्यानंतर सुशांतच्या कुटुंबीयाचे वकील विकास सिंह यांनी समाधान व्यक्त केलं होतं. त्यानंतर एनसीबीनं सुशांतच्या घरी काम करणाऱ्या केशव आणि नीरज यांनाही चौकशीसाठी बोलवलं होतं. दरम्यान सिद्धार्थ, नीरज आणि केशव यांची चौकशी केल्यानंतर त्यांनी काय काय खुलासे केले याबद्दल वानखेडे यांनी कोणतीही माहिती दिलेली नाही.
from Marathi Bollywood News, Marathi Cinema News https://ift.tt/2TxaDjn
