मुंबई: अभिनेत्री मंदिरा बेदीचा पती आणि दिग्दर्शक- निर्माता यांचं ३० जून रोजी हृदयविकाराच्या धक्क्यानं आकस्मित निधन झालं. बॉलिवूड सेलिब्रेटींनी राज यांच्या निधनानंतर सोशल मीडियाच्या माध्यमातून दुःख व्यक्त केलं आहे. राज यांच्या अचानक एक्झिटमुळे त्यांच्या कुटुंबीयांना मोठा धक्का बसला आहे. ४९ वर्षीय राज कौशल शारीरिकरित्या फिट होते. त्यामुळे त्याचं जाणं सर्वांच्या मनाला चटका लावून गेलं. अशात त्यांची एक जुनी इन्स्टाग्राम पोस्ट सोशल मीडियावर चर्चेत आली आहे. राज कौशल सोशल मीडियावर खूप सक्रिय होते. ते नेहमीच इन्स्टाग्रामवर फोटो शेअर करत असत. निधनाच्या एक दिवस अगोदरच त्यांनी घरी मित्रपरिवारासोबत पार्टी केली होती. त्याचे फोटो त्यांनी इन्स्टाग्रामवर शेअर केले होते. नुकत्याच झालेल्या या पार्टीमध्ये नेहा धूपिया, अंगद बेदी, जहीर खान, सागरिका घाटगे, आशीष चौधरी यांच्यासह इतर कलाकारांचाही समावेश होता. हे फोटो शेअर करताना राज यांनी त्यांना, 'सुपर संडे, सुपर फ्रेंड्स, सुपर फन' असं कॅप्शन दिलं होतं. अर्थात ही त्यांची अखेरची पोस्ट असेल असं त्यांनाही वाटलं नसेल. अशाच राज कौशल यांच्या निधनानंतर त्यांनी काही महिन्यांपूर्वी शेअर केलेली एक पोस्ट चर्चेत आली आहे. राज कौशल इन्स्टाग्रामवर नेहमीच मित्रासोबत पार्टी करतानाचे किंवा फॅमिलीसोबत एन्जॉय करतानाचे फोटो शेअर करत असत. पण काही महिन्यांपूर्वी म्हणजेच ३० एप्रिल रोजी राज कौशल यांनी त्यांच्या इन्स्टाग्रामवर एक पोस्ट शेअर केली होती. जी अखेर खरी ठरली. आपल्या पोस्टमध्ये राज कौशल यांनी लिहिलं, 'उद्याचा दिवस कोणी पाहिला आहे. आज जगून घ्या. एकच आयुष्य आहे.' त्यावेळी राज यांनी कल्पना देखील केली नसेल की, काही महिन्यातच ते स्वतःच या जगाचा निरोप घेणार आहेत. मागच्या काही काळापासून राज कौशल 'अक्कड बक्कड' या चित्रपटाच्या शूटिंगमध्ये व्यग्र होते. एका आठवड्यापूर्वीच त्यांनी या वेब सीरिजचं शूटिंग पूर्ण केलं होतं आणि त्यानंतर रॅपअपचे फोटो सोशल मीडियावर शेअर केले होते. या सर्वच फोटोंमध्ये राज कौशल खूपच आनंदी दिसत आहेत. राज यांनी 'शादी के लड्डू', 'एंथनी कौन है', 'प्यार में कभी कभी' यांसारख्या चित्रपटांची निर्मिती आणि दिग्दर्शन केलं आहे. याशिवाय जाहिरात विश्वातही त्यांनी स्वतःची वेगळी ओळख निर्माण केली होती.
from Marathi Bollywood News, Marathi Cinema News https://ift.tt/3hnftIe
