मुंबई : एकता कपूरची निर्मिती असलेली 'बडे अच्छे लगते हैं' या लोकप्रिय मालिकेचे दुसरे पर्व लवकरच प्रेक्षकांच्या भेटीला येत आहे. या मालिकेच्या दुसऱ्या पर्वांची अनेक दिवसांपासून चर्चा होती. या मालिकेत राम आणि प्रियाची भूमिका कोणते कलाकार साकारणार याची चाहत्यांना उत्सुकता होती. या मालिकेचा पहिला प्रोमो नुकताच रिलीज झाला. यामध्ये आणि नुकल मेहता हे राम आणि प्रियाची भूमिका साकारणार आहेत. मालिकेच्या आधीच्या पर्वामध्ये ही भूमिका राम कपूर आणि साक्षी तन्वरने साकारल्या होत्या. या दोघांनी साकारलेली राम आणि प्रियाची जोडी खूपच लोकप्रिय झाली होती. बडे अच्छे लगते हैं २ मालिकेच्या रिलीज झालेल्या पहिल्या प्रोमोमध्ये राम प्रियाला विचारतो की, तू ३२ वर्षांची झाली आहेस, तरी अजून लग्न का नाही केलं. त्यावर प्रिया रामला उलटा प्रश्न विचारते की तुम्ही तर ३८ वर्षांचे झाला आहात मग तुम्ही का नाही लग्न केलं. एकता कपूरची ही मालिका लग्नाचे वय उलटून गेलेल्या आणि त्यानंतर लग्न केलेल्या दोन व्यक्तींच्या आयुष्यावर आधारित आहे. दरम्यान, दिशाच्या आधी या भूमिकेसाठी दिव्यांका त्रिपाठीला विचारणा झाली होती. परंतु नकुलबरोबर तिची जोडी जमणार नाही, असे सांगत तिने काम करायला नकार दिला. दिव्यांकानंतर देवोलीना हिचाही विचार या भूमिकेसाठी झाला होता. परंतु अखेर दिशाला ही भूमिका साकारण्याची संधी मिळाली. बडे अच्छे लगते हैं २ या मालिकेच्या आधी आणि दिशा परमार यांनी 'प्यार का दर्द है मीठा मीठा प्यारा प्यारा' या मालिकेत काम केले होते. त्यानंतर अनेक वर्षांनी हे दोघे या मालिकेच्या निमित्ताने पुन्हा एकत्र काम करणार आहेत. अलिकडेच दिशाने बिग बॉस स्पर्धेतील स्पर्धक आणि गायक राहुल वैद्यशी लग्न केले आहे. राहुलने बिग बॉसच्या घरात असतानाच दिशाला लग्नासाठी मागणी घातली होती.
from Marathi Bollywood News, Marathi Cinema News https://ift.tt/3AICKfR
