मुंबई- बॉलिवूड अभिनेता आणि यांच्याकडे सिनेसृष्टीतील सर्वोत्तम जोडपे म्हणून पाहिले जाते. दोघांचे एकमेकांवरील प्रेम स्पष्टपणे दिसते. काहीही न करता एकमेकांवरचं प्रेम कशापद्धतीने व्यक्त केलं जाऊ शकतं, याचं ऐश्वर्या आणि अभिषेक दोघं उत्तम उदाहरण आहे. दोघांमध्ये फार मोठी भांडणं झाल्याच्या बातम्या कधी समोर आल्या नाहीत. असं जरी असलं तरी सर्वसामान्य नवरा- बायकोप्रमाणे ते दोघंही एकमेकांशी भांडतात. यातच एकदा दोघांमध्ये इतका वाद झाला होता की अभिषेक बच्चन ला दोन रात्री खोलीबाहेर काढाव्या लागल्या होत्या. अभिषेकने एका मुलाखतीत खुलासा केला होता की एकदा ऐश्वर्याला त्याचा इतका राग आला होता की त्याला दोन रात्री खोलीबाहेर काढावे लागले होते. ऐश्वर्या रागाने लाल झाली होती आणि अभिषेकशी बोलणं तिने पूर्ण बंद केलं होतं. जाणून घेऊ तेव्हाच्या घटनेबद्दल... जेव्हा ऐश्वर्याला पती अभिषेकचा राग आलेला ही गोष्ट २०१४ मधली आहे, जेव्हा अभिषेक बच्चनने प्रो-कबड्डी लीग जिंकली होती. त्यावेळी तो संघाच्या प्रशिक्षणा संदर्भात चेन्नईच्या सत्यभामा विद्यापीठात गेला होता. या दरम्यान अभिषेकने विद्यापीठाचे संस्थापक कर्नल जेपीआयआर यांची भेट घेतली होती. त्यांचे कार्यालय खूपच लहान होते. अभिषेकने पाहिले तेव्हा जेपीआर यांनी त्यांच्या ऑफिसमध्ये अनेक ट्रॉफी जमिनीवरच ठेवल्या होत्या. यावर अभिषेकने त्यांना असं करण्यामागचं कारणही विचारलं. कर्नल जेपीआयएआर यांनी अभिषेककडे हसून पाहिलं आणि ते म्हणाले की, ते जाणिवपूर्वक ट्रॉफी जमिनीवर ठेवतात, कारण ते पुरस्कारांना कधीच डोक्यावर चढू देत नाहीत. जेपीआय यांच्या या उत्तरातून अभिषेक खूप प्रभावित झाला आणि त्याने घरी जाऊन ऐश्वर्या आणि त्याला मिळालेले सर्व पुरस्कार जमिनीवर सजवले. संपूर्ण खोली ट्रॉफींनी भरलेली होती. ऐश्वर्या जेव्हा खोलीत आली तिने पुरस्कार जमिनीवर ठेवलेले पाहिले आणि तिचा राग अनावर झाला. अभिषेकने ऐश्वर्याला असे करण्या मागचे कारणही सांगितले पण ऐश्वर्या खूप चिडली. ती एवढी चिडली होती की तिने अभिषेकला खोलीतून बाहेरच काढले. ऐश्वर्याच्या रागामुळे, अभिषेकला खोलीच्या बाहेर हॉलमध्ये दोन रात्र काढावी लागली होती. पण नंतर सारं काही ठीक झालं. दरम्यान, अभिषेक बच्चन आणि ऐश्वर्या राय बच्चन यांनी 'कहो ना कहो', 'रावण', 'धूम २', 'गुरु', 'ढाई अक्षर प्रेम के', 'उमराव जान', 'सरकार राज' आणि 'बंटी और बबली' सारख्या सिनेमांमध्ये एकत्र काम केले आहे.
from Marathi Bollywood News, Marathi Cinema News https://ift.tt/3AX3oRZ
