मुंबई- हा हरहुन्नरी कलाकार तर आहेच पण सध्याचा तो मोस्ट बॅचलर अॅक्टरही आहे. पण या सगळ्याहून एक वेगळी ओळख आता भूषणची होत आहे. विशेष म्हणजे त्याला स्वतःलाही ओळख आवडते आहे. ही नवी ओळख म्हणजे बाबा होणं. बाप होऊन १०८ सुंदर रोपांचा सांभाळ करणं, त्यांची काळजी घेणं. 'तू इतके असावे' फेम अभिनेत्याचं निसर्गावर मनोभावे प्रेम आहे. त्यांच्या मुंबईतल्या घरी तब्बल १८० रोपं आहेत. ज्यांचा अगदी आनंदीपणे भूषण सांभाळ करत आहे. भूषणच्या मते त्याच्या बॅचलर जीवनात ही रोपं आणि वेली त्याच्या आयुष्यात आनंद आणत आहेत. पाळीव प्राण्यांची ज्या पद्धतीने काळजी घेतली जाते तशीच काळजी या घरातल्या झाडांचीही घ्यावी लागते. त्यांनाही तेवढाच ववेळ द्यावा लागतो. फरक फक्त एवढाच आहे की त्यांना प्राण्यांसारखं बागेत घेऊन जावं लागत नाही. याबद्दल अधिक सांगताना भूषण म्हणतो की, 'जेव्हा तुम्ही झाडा- वेलींचे पालक होता तेव्हा तुम्ही भावनिकरित्या त्यांच्यात गुंतले जाता. ज्या पद्धतीने आई- बाबा आपल्या मुलांची काळजी घेतात अगदी तशीच काळजी तुम्हाला या वेली- फुलांचीही घ्यावी लागते. जेव्हा एखादं रोप मरताना तुम्ही पाहता किंवा त्याची वाढ होत नाही असं जेव्हा तुम्हाला दिसतं तेव्हा खरंच सांगतो फार वाईट वाटतं. रोपांचं बाबा होणं सोप्पं नाही. त्यासाठी तुमच्यात अफाट संयम आणि प्रेम असणं आवश्यक आहे.' जेव्हापासून भूषण मुंबईत राहू लागला, तेव्हापासून त्याने इनडोअर रोपं लावायला सुरुववात केली. 'गेल्या १२- १३ वर्षांमध्ये, माझ्या घरातल्या रोपांची आणि झाडांची संख्या वाढतच गेली आहे. सुरुवातीला जेव्हा मी घर बदलायचो तेव्हा माझ्या झाडांनाही मी स्वतःसोबत घेऊन जायचो. घर बदलताना त्यांच्या सुरक्षेचा विचार मी जास्त करायचो. सामानाची ने- आण करण्यात त्यांना कोणती इजा होणार नाही ना याची काळजी घ्यायचो. जेव्हा मी मुंबईत स्वतःचं घर विकत घेतलं, तेव्हा मी खरंज नशिबवान होतो की या घराच्या बाहेर एक मोठं आवार आहे. ज्यामुळे मी तिथे माझी झाडं ठेवू शकलो. माझ्या अपार्टमेंटमध्ये बाल्कनी नसल्याने, मी खिडकीच्या सभोवतालच्या जागेचा वापर रोपं ठेवण्यासाठी केला. प्रत्येक खोलीत रोपं आहेत. झाडं ही माझ्या घराच्या सजावटीचा एक भाग झाली. मी एकटाच राहत असल्याने, माझ्या आयुष्यात रंग आणण्याचं काम ही झाडं करतात.' अभिनेता त्याच्या रोपांना त्याच्या अनुपस्थितीतही आवश्यक प्रमाणात पाणी आणि सूर्यप्रकाश मिळेल याकडेही विशेष लक्ष देतो. म्हणून जेव्हाही तो प्रवास करतो किंवा कामानिमित्त घराबाहेर जातो तेव्हा घरकाम करणाऱ्यांना तो एक दिवसाआड पाणी घालण्याच्या सर्व सुचना देऊन जातो. याबद्दल बोलताना भूषण म्हणाला की, 'खरं तर, मी तिला फोन करून रोपांना पाणी घालण्याची आठवण करून देतो. कधी जर ती नसेल तर मी माझ्या मित्रांना सांगतो, ज्यांच्याकडे माझ्या घराच्या चाव्या आहेत. मी येईपर्यंत त्यांना झाडांची काळजी घेण्यास सांगतो.' भूषण पुढे सांगतो की, '१७०- १८० झाडांना पाणी देण्यासाठीकिमान १ तास लागतोस, पण तुम्हाला संयम दाखवण्याची गरज असते आणि झाडं- रोपांचा सांभाळ करताना तुम्ही नेमकी हीच गोष्ट शिकत जाता.'
from Marathi Bollywood News, Marathi Cinema News https://ift.tt/3gd1lkQ
