म. टा. प्रतिनिधी, पुणे- महात्मा गांधी आणि काँग्रेस परिवाराची बदनामी केल्याप्रकरणी अभिनेत्री हिच्या विरोधात शिवाजी नगर पोलीस ठाण्यात गुन्हा दाखल झाला आहे. याबाबत पुणे जिल्हा काँग्रेसच्या सरचिटणीस संगीता तिवारी यांनी शिवाजीनगर पोलिसांकडे तक्रार दिली आहे. त्यानुसार पायल रोहतगी व व्हिडिओ तयार करणाऱ्या अज्ञात आरोपीविरुद्ध गुन्हा दाखल करण्यात आला आहे. यापूर्वी देखीलवादग्रस्त ट्विट करुन पायल रोहतगी चर्चेत राहिलेली आहे. राष्ट्रपिता महात्मा गांधी, माजी पंतप्रधान जवाहरलाल नेहरु, इंदिरा गांधी व त्यांचे कुटंबिय, काँग्रेस परीवार यांच्याविषयी खोटा बदनामीकारक व्हिडिओ तयार करुन तो सोशल मिडियावर पायल रोहतगी हिने प्रसारित केला. त्यातून हिंदु- मुस्लिम समाजात तेढ निर्माण करण्याचा प्रयत्न केला आहे, असे तक्रारीत म्हटले आहे. संगीता तिवारी यांनी सुरुवातीला सायबर पोलिसांकडे तक्रार दिली होती. सायबर पोलिसांनी ती शिवाजीनगर पोलिसांकडे वर्ग केला आहे. दरम्यान, याआधी जून महिन्यात पायलला अहमदाबादमध्ये पोलिसांनी अटक केलं होतं. पायलवर ती राहात असलेल्या सोसायटीच्या अध्यक्षला सोशल मीडियावर अश्लील भाषेत मेसेज करून शिवीगाळ केल्याचा आरोप करण्यात आला होता. एवढंच नाही तर इतरांनाही खोट्या केसमध्ये अडकवण्याची धमकी दिल्याचाही तिच्यावर आरोप करण्यात आले होते. २० जून रोजी सोसायटीची सभा सुरू असताना पायल तिथे गेली आणि सोसायटीतील सदस्यांना गलिच्छ भाषेत शिव्या दिल्या आणि भांडण केलं, अशी तक्रार पोलीस ठाण्यात दाखल करण्यात आली होती. पायल यापूर्वीही अनेक कारणांमुळे वादात अडकली होती. दोन वर्षांपूर्वीदेखील अभिनेत्रीला अहमदाबाद पोलिसांनी अटक केली होती. काय म्हणाली होती पायल रोहतगी अभिनेत्री पायलने देशाचे पहिले पंतप्रधान जवाहरलाल नेहरू यांच्या वडिलांविरोधात आक्षेपार्ह टिप्पणी केली होती. तिने एक व्हिडिओ शेअर करत दावा केला की, 'मला वाटतं की मोतीलाल नेहरू यांच्या पाच पत्नी होत्या, म्हणून काँग्रेस सरकार तिहेरी तलाकच्या विरोधात होते. यासोबतच मोतीलाल नेहरू हे जवाहरलाल नेहरू यांचे सावत्र वडील होते.' पायलने आपल्या या दाव्यात एलिना रामाकृष्णाने लिहिलेल्या आत्मचरित्राचा उल्लेख केला होता.
from Marathi Bollywood News, Marathi Cinema News https://ift.tt/3jzOMCA
