मुंबई- संपूर्ण जगाला आपल्या अभिनयाने वेड लावणारे सुपरस्टार अभिनेते यांची प्रकृती थोडी ढासळली आहे. नियमिक शारीरिक तपासणीसाठी गेले असताना डॉक्टरांनी त्यांना इस्पितळात भरती होण्याचा सल्ला दिला. त्यामुळे रजनीकांत यांना चेन्नईमधील एका खाजगी इस्पितळात दाखल करण्यात आलं आहे. त्यांच्यावर सध्या उपचार सुरू आहेत. रुटीन चेकअपमध्ये काही चिंताजनक आढळल्याने डॉक्टरांनी रजनीकांत यांना इस्पितळात राहण्याचा सल्ला दिला आहे. सध्या रजनीकांत यांची प्रकृती स्थिर असून चिंता करण्याचं काही कारण नाहीये. डॉक्टरांच्या म्हणण्यानुसार, काही महत्वाच्या तपासण्या पूर्ण झाल्यावर एक- दोन दिवसात त्यांना इस्पितळातून सोडण्यात येईल. रजनीकांत यांच्या टीमचा मुख्य रियाज के. अहमदने पत्रकारांना दिलेल्या माहितीनुसार, रजनीकांत वेळोवेळी तपासणीसाठी इस्पितळात हे एक रुटीन चेकअप होतं. सध्या त्यांची प्रकृती ठीक आहे. त्यांना तपासणीसाठी खाजगी रुग्णालयात दाखल केलं आहे. रजनीकांत सध्या ७० वर्षाचे आहेत. फक्त भारतातच नाही तर संपूर्ण जगभरात त्यांचे चाहते आहेत. नुकताच रजनीकांत यांचा दादासाहेब फाळके पुरस्कार देऊन गौरव करण्यात आला. या पुरस्कार सोहळ्याला उपस्थित राहण्यासाठी रजनीकांत दिल्लीला गेले होते. तिथे त्यांनी पंतप्रधान नरेंद्र मोदी आणि राष्ट्रपती रामनाथ कोविंद यांचीही भेट घेतली. मागील वर्षी डिसेंबर महिन्यात रजनीकांत यांना इस्पितळात भरती करण्यात आलं होतं. अशक्तपणा आणि रक्तदाब कमी- अधिक होत असल्याने त्यांना हैदराबाद येथील अपोलो इस्पितळात दाखल करण्यात आलं होतं. काही दिवसांनी रजनीकांत यांना इस्पितळातून डिस्चार्ज मिळाला होता. याशिवाय रजनीकांत यांचं किडनी ट्रान्सप्लान्ट देखील झालं आहे. चाहते त्यांच्या चांगल्या आरोग्यासाठी प्रार्थना करत आहेत.
from Marathi Bollywood News, Marathi Cinema News https://ift.tt/3jKbFTu
