मुंबई : मालिकेचे दिग्दर्शक आणि सूत्रसंचालक आणि त्यांच्या सहकाऱ्यांनी केंद्रीय लघुउद्योग मंत्री आणि भाजप नेते यांची भेट घेतली. या भेटीवेळी साबळे यांनी राणे यांची माफी मागितली. दिवाळीच्या काळात 'चला हवा येऊ द्या' कार्यक्रम प्रसारित करण्यात आला होता. त्या कार्यक्रमात काही राजकीय व्यक्तींची विडंबनं दाखवली होती. त्यात राणे यांचाही समावेश होता. कार्यक्रमातून राणे यांची जे पात्र साकारले होते त्यामुळे त्यांचा अवमान झाल्याचा आरोप कार्यकर्त्यांनी करत माफीची मागणी केली होती. हा वाद अधिक चिघळू नये यासाठी, साबळे आणि त्यांच्या सहकाऱ्यांनी राणे यांची भेट घेत माफी मागितली. 'झी मराठी' वरून प्रसारित होणारा 'चला हवा येऊ द्या' हा कार्यक्रम खूपच लोकप्रिय आहे. कार्यक्रमातून हिंदी- मराठी सिनेमांचे प्रमोशन केले जात असल्याने अनेक मोठे कलाकार यात सहभागी होतात. कार्यक्रमातून राजकारणी लोकांवर व्यंगात्मक टीका केली जाते. राजकीय नेत्यांवर खुमासदार शैलीत कधी टीका तर कधी त्यांचे कौतुक केले जात असल्याने हा कार्यक्रम प्रेक्षकांमध्ये खूपच लोकप्रिय आहे. दिवाळीच्या काळात प्रसारित झालेल्या कार्यक्रमात विविध राजकीय नेत्यांवर व्यंगात्मक पद्धतीने टीका करण्यात आली होती. कार्यक्रमात राज्यातील विविध पक्षांच्या लोकप्रिय नेत्यांचा समावेश होता. त्यामध्ये भाजपचे ज्येष्ठ नेते नारायण राणे यांचे पात्र साकारताना त्यांची बदनामी होईल अशा काही गोष्टींचा त्यात समावेश होता. त्यामुळे राणे यांचे समर्थक तीव्र नाराज झाले होते. कार्यक्रम प्रसारित झाल्यानंतर त्यांनी सातत्याने वाहिनीला आणि साबळे यांना फोन करून माफीची मागणी केली होती. त्यावरून सोशल मीडियावर यावरून वादंग निर्माण झाला होता. हा वाद अधिक चिघळू नये यासाठी निलेश साबळे यांनी त्यांच्या सहकाऱ्यांसह केंद्रीय मंत्री नारायण राणे यांची त्यांच्या निवासस्थानी जाऊन भेट घेतली. त्यावेळी साबळे यांनी राणे यांच्या पाया पडले आणि हात जोडून माफी मागितली. यावेळी नारायण राणे यांच्यासह त्यांचे पुत्र आणि आमदार नितेश राणे हे देखील उपस्थित होते. राणे यांच्या समर्थकांनी या भेटीचे फोटो सोशल मीडियावर शेअर केले आहेत. नारायण राणे हे ‘चला हवा येऊ द्या’ चे रसिक प्रेक्षक असून त्यांनी वेळोवेळी कलाकारांचा सन्मानच केला आहे. कोणाच्याही भावना दुखावण्याचा आमचा उद्देश नव्हता. पण आमच्या टीमकडून परत अशी कोणतीही चूक होणार नाही असे निलेश साबळे यावेळी म्हणाले असल्याची माहितीही राणे समर्थकांनी दिली.
from Marathi Bollywood News, Marathi Cinema News https://ift.tt/3xjDjMt
