मुंबई- बॉलिवूडपासून हॉलीवूडपर्यंत आपल्या अभिनयाचा झेंडा रोवणारी अभिनेत्री सध्या सोशल मीडियावर चर्चेत आहे. प्रियांकाचा भारतीय असण्याचा एक फायदा सांगतानाचा व्हिडीओ सोशल मीडियावर चांगलाच वायरल झाला आहे. प्रियांकाने यावर्षी दिवाळी मोठ्या उत्साहात साजरी केली. प्रियांका सध्या तिच्या सासरी म्हणजे परदेशात आहे. परंतु, भारतीय परंपरा न विसरता प्रियांकाने निकसोबत घरात लक्ष्मीपूजन केलं होतं. त्यासोबतच तिने ही दिवाळी अगदी दणक्यात साजरी केली. प्रियांकाचे दिवाळी साजरी करतानाचे हे फोटो आणि व्हिडीओ सोशल मीडियावर प्रचंड वायरल झाले. त्यातील एका व्हिडिओची आता नेटकऱ्यांमध्ये चर्चा रंगली आहे. यावर्षी प्रियांकाने युट्यूबर लीली सिंह सोबत दिवाळी साजरी केली. या पार्टीमधील एक व्हिडीओ आता चाहत्यांच्या चर्चेचा विषय बनला आहे. या व्हिडिओत प्रियांका भारतीय असण्याचं सगळ्यात मोठा फायदा सांगतेय. प्रियांकासोबत तिची गर्ल गॅंग देखील भारतीय असण्याचा एक- एक फायदा सांगताना दिसतायत. प्रियांका फायदा सांगताना म्हणते, 'भारतीय असण्याचा मोठा फायदा म्हणजे मी खूप मिरची खाऊ शकते.' भारतीय लोकांना तिखट पदार्थ खाण्याची सवय असते. भारतीय मिरची देखील सहजपणे खाताना दिसतात. मात्र परदेशात भारताइतके तिखट पदार्थ खाण्याची सवय फार कमी जणांना असते. त्यामुळे हा भारतीय असण्याचा मोठा फायदा आहे असं प्रियांका म्हणते. कामाबद्दल सांगायचं तर प्रियांका सध्या 'मॅट्रिक्स' चित्रपटाच्या चित्रीकरणात व्यग्र आहे. यासोबत ती 'सिटाडेल' या वेबसीरिजचं चित्रीकरण करत आहे. प्रियांकाचे आणखीही काही चित्रपट सध्या प्रदर्शित होण्याच्या मार्गावर आहे. त्यात हॉलिवूड आणि बॉलिवूड चित्रपटांचा समावेश आहे.
from Marathi Bollywood News, Marathi Cinema News https://ift.tt/3n9QiNj
