मुंबई- मराठमोळा अभिनेता आणि 'बिग बॉस मराठी २' चा विजेता याच्या गाडीला अपघात झाला आहे. ही घटना २० नोव्हेंबर रोजी घडली आहे. शिव ठाकरे त्याच्या कुटुंबियांसोबत अमरावतीहून प्रवासासाठी निघाला असताना वळगाव येथे त्याच्या गाडीला एका टेम्पो ट्रॅव्हलरने मागून धडक दिली. या अपघातातून शिव आणि त्याचे कुटुंबीय थोडक्यात बचावले आहेत. मात्र शिवच्या चेहऱ्याला दुखापत झाली आहे. शिव त्याच्या कुटुंबियांसोबत अमरावतीहून अचलपूरकडे निघाला असताना वळगावच्या जवळ एका टेम्पो ट्रॅव्हलरने त्यांच्या गाडीला जोरदार धडक दिली. ही धडक इतकी भीषण होती शिवची गाडी रस्त्याच्या बाजूला असलेल्या शेतात कलंडली. या दुर्घटनेत शिवसोबतच त्याच्या आई आणि बहिणीला देखील दुखापत झाली आहे. सोबतच शिवच्या गाडीचा मागचा भाग वाईटरीत्या दाबला गेला आहे.अपघातानंतरचा एक फोटो सोशल मीडियावर वायरल झाला आहे. शिवच्या चाहत्यांना ही बातमी कळताच त्याचे चाहते शिव आणि त्याच्या कुटुंबियांसाठी प्रार्थना करत आहेत. शिवने 'बिग बॉस मराठी २' मध्ये प्रेक्षकांची मनं जिंकली होती. त्यापूर्वी शिव एमटीव्ही रोडीजमध्ये झळकला होता. त्यासोबतच बिग बॉसच्या घरात शिव आणि वीणा जगताप यांच्यातील प्रेमकहाणी चांगलीच गाजली होती. परंतु, सध्या सोशल मीडियावर वीणा आणि शिव यांचा ब्रेकअप झाला असल्याच्या चर्चा आहेत.
from Marathi Bollywood News, Marathi Cinema News https://ift.tt/3cDt7Vq
