मुंबई: पंतप्रधान नरेंद्र मोदी यांनी शुक्रवार (दि.१९) रोजी सकाळी मागे घेण्याची घोषणा केली. बॉलीवूडमध्ये असे अनेक कलाकार आहेत जे देशात घडत असलेल्या घटनांवर मत व्यक्त करतात. त्यापैकीच एक म्हणजे . कृषी कायदे मागे घेतल्याचा आनंद स्वरानं एका व्हिडिओच्या माध्यमातून हटके पद्धतीनं तिच्या चाहत्यांसोबत शेअर केला आहे. स्वरानं एक व्हिडिओ शेअर केला आहे. या व्हिडिओमध्ये ती ग्लास डोक्यावर ठेऊन डान्स करताना दिसतेय. 'हे मी वडिलांकडून शिकलेय. नरेंद्र मोदी यांनी कृषी कायदे मागे घेतल्याचा निर्णय जाहीर केलाय. सेलिब्रेशन तर व्हायलायच पाहिजे' असं म्हणत स्वरानं हा व्हिडिओ शेअर केलाय. सोशल मीडियावर हा व्हिडिओ प्रचंड व्हायरल झाला आहे. स्वराच्या चाहत्यांना तिचा हा व्हिडिओ आवडला असला तरी अनेकांनी तिला ट्रोलही केलं आहे. साधारण वर्षभरापूर्वी कृषी कायद्यांच्या विरोधात देशभर आंदोलन पेटले. पंजाब, हरयाणा व उत्तर प्रदेशातील शेतकरी यात आघाडीवर होते. कृषी कायदे मागे घेण्यासाठी शेतकऱ्यांनी राजधानी दिल्लीकडं कूच केले. दिल्लीत प्रवेश नाकारला गेल्यानं शेतकऱ्यांनी दिल्लीच्या सीमेवरच ठाण मांडलं. केंद्र सरकारनं केलेले चर्चेचे प्रयत्नही निष्फळ ठरले. या आंदोलनात शेकडो शेतकऱ्यांचा मृत्यू झाला, तरीही आंदोलक मागे हटत नव्हते. याच काळात शेतकरी आंदोलनाच्या बाजूनं आणि शेतकरी आंदोलनाच्या विरोधात देशात दोन गट पडले होते. देशातील नामवंत क्रिकेटपटू, अभिनेत्यांसह अनेक सेलिब्रिटींनी शेतकऱ्यांना शांततापूर्ण तोडगा काढण्याचा सल्ला दिला होता. काही सेलिब्रिटींनी सरकारच्या चर्चेच्या प्रयत्नांचं कौतुक केलं होतं. तर, काहींनी बाह्य शक्ती आमच्यात फूट पाडू शकत नाहीत, असं म्हणत आंदोलनाला बाहेरून पाठिंबा मिळत असल्याचं अप्रत्यक्षपणे सुचवलं होतं.
from Marathi Bollywood News, Marathi Cinema News https://ift.tt/3cynZC3
