मुंबई- हॉलीवूडचा लोकप्रिय बॅण्ड 'ब्रास अगेन्स्ट' ची प्रसिद्ध गायिका नेहमीच आपला कार्यक्रम खास बनवण्यासाठी काहीतरी वेगळं करत असते. तिचं गाणं ऐकून प्रेक्षक मंत्रमुग्ध होतात. उरिस्ता सोबतच तिचा बॅण्डदेखील चाहत्यांमध्ये प्रचंड लोकप्रिय आहे. परंतु, एका कार्यक्रमात उरिस्ताने केलेल्या कृत्यामुळे चाहते तिच्यावर चांगलेच भडकले आहेत. उरिस्ताने चालू कार्यक्रमात एका चाहत्याच्या चेहऱ्यावर मूत्रविसर्जन केलं होतं. तिच्या कृत्यामुळे उरिस्ताला सोशल मीडियावर चाहत्यांची माफीही मागावी लागली आहे. उरिस्ताने तिच्या इन्स्टाग्रामवर एक पोस्ट शेअर करत चाहत्यांची माफी मागितली आहे. आपल्या प्रत्येक कार्यक्रमात प्रेक्षकांना वेगळं काहीतरी देण्याच्या प्रयत्नात उरिस्ताने हद्द पार केली. तिने चालू कार्यक्रमात एका चाहत्याला मंचावर बोलावून त्याच्या चेहऱ्यावर मूत्रविसर्जन केलं. उरिस्ताच्या या कृत्याने तिथे उपस्थित सगळेच अचंबित झाले होते. गायिकेचा हा व्हिडीओ सोशल मीडियावर प्रचंड वायरल झाला. व्हिडिओवर नेटकऱ्यांनी आक्षेप नोंदवला. त्यानंतर उरिस्ताने सोशल मीडियावर पोस्ट करत माफी मागितली. उरिस्ताने लिहिलं, 'मी मंचावर नेहमीच माझ्या सीमेत राहिली आहे. पण यावेळेस मी माझी हद्द पार केली. मी केलेला तो स्टन्ट अत्यंत चुकीचा होता. माझी चाहत्यांना दुखावण्याची मुळीच इच्छा नव्हती. मी तुम्हा सगळ्यांची माफी मागते.' यासोबतच उरिस्ताचा बॅण्ड 'ब्रास अगेन्स्ट' यांनीही चाहत्यांची माफी मागत लिहिलं, 'सोफिया उरिस्ता त्यादिवशी जरा जास्तच उत्साहात होती. आणि याच उत्साहाच्या भरात तिने असं काही केलं ज्याचा कुणीही विचार केला नव्हता. असं काही पुन्हा आमच्या कार्यक्रमात घडणार नाही याची आम्ही खात्री देतो.'
from Marathi Bollywood News, Marathi Cinema News https://ift.tt/3cvvHgp
