मुंबई : बॉलिवूडमधील आघाडीची अभिनेत्री आणि 'स्कॅम १९९२' या वेबसीरिजमधून प्रसिद्ध झालेला अभिनेता याच्यासोबत काम करत आहे. या दोघांचा '' या सिनेमाचा फर्स्ट लूक रिलीज झाला आहे. हे दोघेजण पहिल्यांदाच एकत्र काम करत आहेत. हा सिनेमाची निर्मीती जंगली पिक्चर्स आणि रॉय कपूर फिल्म्स यांनी संयुक्तपणे केली आहे. 'वो लडकी है कहाँ' हा सिनेमा कॉमेडी-ड्रामा आहे. या सिनेमात तापसी पन्नू एका पोलिस अधिका-याची भूमिका साकारत आहे. तर प्रतीक गांधीने पारंपारिक कट्टर विचारांचा अशी व्यक्ती भूमिका साकारत आहे. प्रतीक त्याच्या होणा-या बायकोला तापसीसोबत शोधायला जातो. त्यावेळी परस्पर विरोधी विचार असलेले हे दोघे एकत्र येतात तेव्हा काय काय होते हे अतिशय विनोदी पद्धतीने दाखवण्यात आले आहे. या सिनेमाच्या चित्रीकरणाला सुरुवात झाली आहे. हे चित्रीकरण जयपूरमध्ये होत आहे. सिनेमाचे दिग्दर्शन अरशद सैयद करत आहेत, अरशद यांचाही दिग्दर्शक म्हणून हा पहिलाच सिनेमा आहे. तापसी पन्नूच्या कामाबद्दल सांगायचे तर अलिकडेच तिचा 'रश्मि रॉकेट' हा सिनेमा ओटीटीवर रिलीज झाला आहे. या सिनेमात तापसीने केलेल्या कामाचे खूप कौतुक झाले आहे. 'वो लडकी है कहाँ' या सिनेमाव्यतिरीक्त तापसी लवकरच लूप लपेटा, दोबारा, शाबास मिथु या सिनेमात दिसणार आहे. शिवाय तिची निर्मिती संस्थेच्या 'ब्लर' या सिनेमातही ती दिसणार आहे. प्रतीक गांधी याच्याबद्दल सांगायचे तर ते या सिनेमाशिवाय 'डेढ बीघा जमीन' या सिनेमात काम करत आहे.
from Marathi Bollywood News, Marathi Cinema News https://ift.tt/3HlLgp2
