नवी दिल्ली : वर युजर्सच्या सुरक्षिततेचि कायमच अधिक काळजी घेतली जाते. युजर्सना अधिकाधिक फायदा मिळावा या हेतूने कंपनी देखील नव- नवीन अपडेट्स रोल आउट करत असते. अशात आता इन्स्टंट मेसेजिंग अॅप WhatsApp ने भारतात दोन नवीन सुरक्षा फीचर आणले असून यापैकी एक WhatsApp Flash Call आणि दुसरे वैशिष्ट्य म्हणजे Multi level reporting feature आहे. वाचा: कंपनीचा दावा आहे की, हे दोन्ही फीचर्स व्हॉट्सअॅप प्लॅटफॉर्मला अतिरिक्त लेयर सुरक्षा प्रदान करतील. म्हणजे व्हॉट्सअॅप प्लॅटफॉर्म पूर्वीपेक्षा अधिक सुरक्षित होईल. अशा परिस्थितीत चॅट लीकसारख्या घटनांना आळा बसण्यास मदत होईल. तसेच, व्हॉट्सअॅप युजर्स चुकीचे मेसेज पाठवणाऱ्याचे Account फ्लॅग किंवा तक्रार करण्यास सक्षम असतील. काय फायदा होईल? आतापर्यंत WhatsApp वर लॉग इन करण्यासाठी नोंदणीकृत मोबाइल नंबरवर ६ अंकी OTP पाठवला जात होता. मात्र आता फ्लॅश कॉलद्वारे नोंदणीकृत मोबाईलवर फ्लॅश कॉल पाठवून मोबाईल क्रमांकाची पडताळणी करता येणार आहे. फ्लॅश कॉल एक स्वयंचलित कॉल असेल. सध्या हे फीचर फक्त अँड्रॉईड युजर्ससाठी उपलब्ध आहे, पण लवकरच ते iOS साठी आणले जाऊ शकते. कंपनीच्या म्हणण्यानुसार, फ्लॅश कॉल ही प्रक्रिया पूर्वीपेक्षा अधिक सुरक्षित तर असेलच, पण व्हॉट्सअॅप अकाऊंटमध्ये लॉग-इन होण्यासाठीही कमी वेळ लागेल. Message Levelling report वैशिष्ट्य: Whatsapp द्वारे मेसेज लेव्हल रिपोर्टिंग फीचर रोल आउट करण्यात आले आहे. याच्या मदतीने यूजर्स एखाद्या विशिष्ट मेसेजची तक्रार करू शकतील. यूजर्स ग्रुपवर पाठवलेल्या मेसेजची तक्रार देखील करू शकतील. हे फीचर Android आणि ios दोन्ही युजर्ससाठी उपलब्ध आहे. मेसेजची तक्रार करण्यासाठी, तुम्हाला ज्या मेसेजची तक्रार करायची आहे त्यावर फक्त टॅप करुन धरून ठेवावे लागेल. यानंतर तुम्हाला रिपोर्ट हा पर्याय निवडावा लागेल. याशिवाय तुम्हाला ब्लॉक करण्याचा पर्यायही देण्यात आला आहे. WhatsApp वर खाते ब्लॉक करण्याचा पर्याय आधीच उपलब्ध आहे. मात्र आता युजर्ससाठी ते सोपे करण्याचा प्रयत्न करण्यात आला आहे. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3FG5ubr
