मुंबई : अभिनेत्री आणि समाजवादी पक्षाच्या खासदार यांनी संसदेमध्ये चर्चेवेळी रुद्रावतार धारण केला होता. राज्यसभेमध्ये जया यांच्यावर झालेली व्यक्तिगत टीका सहन न झाल्यामुळे त्यांनी भाजपच्या सदस्यांना तुमचे वाईट दिवस सुरू होतील, असा चक्क शाप दिला होता. भले या घटनेला दोन दिवस उलटले असले तरी सोशल मीडियावरील युझर्सही गोष्ट विसरू शकलेले नाही. ट्विटरवर बुधवारी सकाळी जया बच्चन टॉप ट्रे़डिंगमध्ये होत्या. युझर्सदेखील त्यावर भरभरून कमेन्ट केल्या. त्याबरोबरच अनेकांनी ऐश्वर्याची ईडी चौकशी आणि जया बच्चन यांचा राग यांची सांगड घालण्याचा प्रयत्न करत आहेत. एका युझरने लिहिले की, भारताच्या नागरिकांनी तुम्हाला राज्यसभेमध्ये समाजातील समस्या आणि त्यांचे मुद्दे मांडण्यासाठी निवडले आहेत. तुमच्या कुटुंबाच्या समस्या मांडण्यासाठी पाठवलेले नाही. जर त्यांनी काही चुकीचे केले असेल तर त्यांना शिक्षा मिळायलाच हवी. काही युझर्सनी जया यांना कलियुगातील दुर्वास ऋषीची उपमा दिली आहे. तर आणखी एका युझरने लिहिले की, '१२ खासदारांचं निलंबन होणं हा मुद्दा योग्यच आहे. परंतु तुम्ही सभागृहात इतक्या का संतप्त झाला होता. अर्थात तुमचं वागणं देखील असंच असतं. समाजासाठी काही तरी काम करा.' आणखी एका युझरने लिहिलं की, 'पनामा पेपर्स घोटाळ्याप्रकरणी ऐश्वर्या रायची ईडीने चौकशी केली होती. त्यानंतर जया बच्चन सभागृहात सरकारला शाप द्यायला सुरुवात केली. मॅडम तुम्ही प्रामाणिक असता तर परदेशामध्ये पैसे ठेवले नसते. देशातील नागरिकांना माहिती आहे की, तुमच्या शापाने काहीही होणार नाही. भ्रष्टाचारामध्ये गळ्यापर्यंत बुडालेले अप्रमाणिक लोकांना शाप देतात.' भाजपला दिला शाप राज्यसभेमध्ये समाजवादी पक्षाच्या यांनी भाजप आणि केंद्र सरकारवर जोरदार टीका केली. ट्रेजरी बेंचवर बसलेल्या भाजपच्या खासदारांसोबत जय यांचा वाद झाला. या वादातून जया त्यांच्यावर भडकल्या. जया यांनी सांगितलं की, माझ्यावर व्यक्तिगत पातळीवर टीका झाली आहे. मी तुम्हाला शाप देते की तुम्हा लोकांचेही वाईट दिवस सुरू होतील. तुम्ही आमचा गळा दाबा आणि सरकार तुम्ही चालवा. जया यांनी विरोधी पक्षाच्या नेत्यांनाही सांगितले की, तुम्ही कोणासमोर झुकत आहात. जया बच्चन यांनी सभागृहात सांगितलं की, इथे जे काही झालं ते वाईट आहे. तुम्हा लोकांना तुमच्या सहकाऱ्याबाबत आदर नसेल तर आमचा गळा दाबा. कारण तुम्ही आम्हाला बोलून देत नाही. जया यांनी सभापतींकडे 'माझ्याबद्दल, माझ्या करिअरबरद्दल अपशब्द वापरणाऱ्यांविरोधात कारवाई करा,' अशी मागणी केली.
from Marathi Bollywood News, Marathi Cinema News https://ift.tt/3JatS7J